ઈન્ડિયા ગેટ પર ભવ્ય ઉજવણી

દેશની રાજધાની દિલ્હીમાં આઝાદીના અમૃત મહોત્સવની ભવ્ય પૂર્ણાહુતિ નિમિત્તે ઈન્ડિયા ગેટ પર લેસર શો અને સાંસ્કૃતિક કાર્યક્રમો યોજાયા હતા. હજારોની સંખ્યામાં લોકોએ આ નજારો માણ્યો હતો. સમગ્ર રાજપથને તિરંગાના રોશનીથી શણગારવામાં આવ્યો હતો. દેશભક્તિના ગીતો અને લશ્કરી બેન્ડના સંગીતથી વાતાવરણ ગુંજી ઉઠ્યું હતું. વડાપ્રધાને આ પ્રસંગે દેશવાસીઓને સંબોધન કર્યું હતું. આ ઉજવણીમાં વિવિધ રાજ્યોની કલા અને સંસ્કૃતિની ઝાંખીઓ પણ રજૂ કરવામાં આવી હતી. દિલ્હીની સુરક્ષામાં કોઈ કચાસ ન રહે તે માટે કડક પોલીસ બંદોબસ્ત રાખવામાં આવ્યો હતો. આ નજારો જોઈને દરેક ભારતીયનું માથું ગર્વથી ઊંચું થઈ ગયું હતું.