અમરેલીમાં SOGની મોટી કાર્યવાહી

અમરેલી ચલાલા પોલીસ સ્ટેશન હદ વિસ્તારમાંથી ₹૪૬.૫૨ લાખનો મુદ્દામાલ ઝડપાયો, SOGની મોટી કાર્યવાહીચલાલા:અમરેલી જિલ્લામાં દારૂબંધીના કડક અમલ વચ્ચે સ્પેશિયલ ઓપરેશન બ્રાન્ચ (SOG)ની ટીમે એક મોટી સફળતા મેળવી છે. ચલાલા પોલીસ સ્ટેશનની હદમાં આવેલા માણાવાવ સીમ વિસ્તારમાંથી લાખો રૂપિયાની કિંમતનો વિદેશી દારૂનો જથ્થો ઝડપી પાડવામાં આવ્યો છે.ચોક્કસ બાતમીના આધારે દરોડામળતી માહિતી મુજબ, SOGની ટીમને ચોક્કસ અને ખાનગી રાહે બાતમી મળી હતી કે એક ટ્રકના કન્ટેનરમાં વિદેશી દારૂનો મોટો જથ્થો લાવવામાં આવી રહ્યો છે. આ બાતમીના આધારે એક્શનમાં આવેલી SOGની ટીમે માણાવાવ સીમ વિસ્તારમાં વોચ ગોઠવીને સફળ દરોડો પાડ્યો હતો.રૂપિયા ૨૫.૯૭ લાખનો દારૂ ઝડપાયોપોલીસે સીમ વિસ્તારમાં કરેલી આ કાર્યવાહી દરમિયાન કન્ટેનરમાંથી મોટા પ્રમાણમાં વિદેશી દારૂનો જથ્થો શોધી કાઢ્યો હતો. પોલીસે ઘટનાસ્થળેથી ₹૨૫,૯૭,૫૮૦/- ની કિંમતનો વિદેશી દારૂ જપ્ત કર્યો છે.કુલ ₹૪૬.૫૨ લાખનો મુદ્દામાલ જપ્તદારૂના જથ્થા ઉપરાંત પોલીસે ગુનામાં ઉપયોગમાં લેવાયેલા વાહનો પણ કબજે કર્યા છે. પોલીસે સ્થળ પરથી:વિદેશી દારૂનો જથ્થોએક ટ્રક (કન્ટેનર)એક બોલેરો ગાડીસહિત કુલ ₹૪૬,૫૨,૫૮૦/- નો મુદ્દામાલ જપ્ત કરીને આગળની કાયદેસરની કાર્યવાહી હાથ ધરી છે.એક આરોપીની ધરપકડ, બે ફરારઆ દરોડા દરમિયાન પોલીસે સ્થળ પરથી જયરાજ વાળા નામના એક ઈસમને ઝડપી પાડ્યો છે. જ્યારે દારૂના આ નેટવર્ક સાથે જોડાયેલા અન્ય બે વાહનોના અજાણ્યા ચાલકો ભાગી છૂટવામાં સફળ રહ્યા હતા. પોલીસે પકડાયેલા આરોપીની પૂછપરછ શરૂ કરી છે અને ફરાર થઈ ગયેલા બંને અજાણ્યા શખ્સોને પકડી પાડવા માટે ચક્રો ગતિમાન કર્યા છે. રિપોર્ટર :- બીપીન રાઠોડ ચલાલા અમરેલી